മസ്കത്ത് കെ എംസി സി കണ്ണൂർ ജില്ലാ കമ്മിറ്റിയുടെ “കണ്ണൂർ പോരിശ”ആഘോഷ പരിപാടി നാളെ
ഒമാൻ: മസ്കത്ത് കെ എംസി സി കണ്ണൂർ ജില്ലാ കമ്മിറ്റിയുടെ ഒന്നാം വാർഷികത്തോടനുബന്ധിച്ച് വിപുലമായി കണ്ണൂർ പോരിശ എന്ന പേരിൽ സംഘടിപ്പിക്കുന്ന ആഘോഷ പരിപാടി നാളെ ബർക അൽ ഇസ്ഫാമിൽ നടക്കും.
കലാകായിക മത്സരങ്ങൾ, പുഡ്ഡിംഗ് ആന്റ് സാക് മത്സരം, മെഹന്തി മത്സരം, ഫൺ ഗെയിംസ്, വടം വലി, ഒപ്പന, കോൽക്കളി എന്നിങ്ങനെ വിവിധ പരിപാടികൾ നടക്കുന്നുണ്ട്.
മുപ്പത് വർഷത്തിൽ കൂടുതൽ ഒമാനിൽ പ്രവാസം പൂർത്തിയാക്കിയ, മുൻ കൂട്ടി രെജിസ്ട്രേഷൻ പൂർത്തിയാക്കിയ കണ്ണൂർ ജില്ലയിൽ നിന്നുള്ളവരെ ചടങ്ങിൽ ആദരിക്കും.
പുയ്യാപ്ല തട്ടുകടയും സംഘാടകർ ഒരുക്കിയിട്ടുണ്ട്. വൈകുന്നേരം നടക്കുന്ന പൊതുസമ്മേളനത്തിൽ മുസ്ലിം ലീഗ് കണ്ണൂർ ജില്ലാ പ്രസിഡന്റ് അബ്ദുൽ കരീം ചേലേരി മുഖ്യാതിഥി ആയിരിക്കും.
ആഘോഷ രാവിന് കൊഴുപ്പേകാൻ നിസാം കണ്ണൂർ ആന്റ് ഫാമിലി ബാൻഡ് അവതരിപ്പിക്കുന്ന ഇശൽ വിരുന്നും ഒരുക്കിയിട്ടുണ്ട്.
രാവിലെ 9.30 മുതൽ രാത്രി 11 വരെ നടക്കുന്ന പരിപാടി യുടെ ഒരുക്കങ്ങൾ പൂർത്തിയായതായി പ്രസിഡന്റ് പി എ വി അബൂബക്കർ ജനറൽ സെക്രട്ടറി ശുഹൈബ് പാപ്പിനിശ്ശേരി കൺവീനർ റഫീക്ക് ശ്രീകണ്ഠപുരം എന്നിവർ അറിയിച്ചു.
STORY HIGHLIGHTS:A grand celebration event called Kannur Porisha, to mark the first anniversary of the Muscat KMC Kannur District Committee, will be held tomorrow at Barka Al Isfam.
