ഒമാൻ കാലാവസ്ഥ: മുവസലാത്ത് ബസ്സുകൾ താൽക്കാലികമായി നിർത്തിവെക്കും.

മസ്‌കറ്റ്: ന്യൂനമർദത്തിൻ്റെ ഭാഗമായുള്ള കാലാവസ്ഥാ മുന്നറിയിപ്പുകളുടെ അടിസ്ഥാനത്തിൽ മുവസലാത്ത് ബസ്സുകൾ താൽക്കാലികമായി നിർത്തിവെക്കും. മസ്‌കറ്റ് – ജലാൻ ബാനി ബു അലി (റൂട്ട് 36), മസ്‌കറ്റ് – സൂർ (റൂട്ട് 55), മസ്‌കറ്റ് – ഷാർജ (റൂട്ട് 203) എന്നീ റൂട്ടുകളിലെ ബസ്സുകളാണ് താൽക്കാലികമായി നിർത്തിവെക്കുന്നത്.

പ്രതികൂല കാലാവസ്ഥ യാത്രാ സുരക്ഷയെ സാരമായി ബാധിക്കുമെന്നതിനാൽ യാത്രക്കാരുടെ സുരക്ഷ കണക്കിലെടുത്താണ് ഈ തീരുമാനമെന്ന് മന്ത്രാലയം പുറപ്പെടുവിച്ച കാലാവസ്ഥാ മുന്നറിയിപ്പുമായുള്ള പ്രസ്താവനയിൽ അധികൃതർ അറിയിച്ചു.

STORY HIGHLIGHTS:Oman Weather: Muwassalat buses will be temporarily suspended.