ഒമാൻ തൃശ്ശൂർ ഓർഗനൈസേഷൻ ഇഫ്താർ സ്നേഹ സംഗമം സംഘടിപ്പിച്ചു.
മസ്കറ്റ്: ഒമാനിലെ തൃശ്ശൂർ നിവാസികളുടെ കൂട്ടായ്മയായ ഒമാൻ തൃശ്ശൂർ ഓർഗനൈസേഷൻ മാർച്ച് 22, വെള്ളിയാഴ്ച്ച വാദി കബീറിലെ മസ്‌കത്ത് സ്പോർട്സ് ക്ലബ്ബ് ഹാളിൽ ഇഫ്താർ സ്നേഹ സംഗമംസംഘടിപ്പിച്ചു.
ചടങ്ങില്‍ ഒമാനിലെ പൗരപ്രമുഖരും നിരവധി പ്രവാസി സംഘടനാ പ്രധിനിധികളും സാമൂഹിക സാംസ്കാരിക പ്രവര്‍ത്തകരും സന്നിഹിതരായിരുന്നു.
സമൂഹ നോബുതുറ പോലുള്ള ആചാര അനുഷ്ഠാന സ്നേഹ സംഗമങ്ങള്‍ സമൂഹത്തില്‍ പരസ്പരം ഐക്യവും സാഹോദര്യവും ഊട്ടിയുറപ്പിക്കുമെന്ന് ഒമാന്‍ തൃശ്ശൂർ ഓര്‍ഗനൈസേഷന്‍ പ്രസിഡന്റ് നസീര്‍ തിരുവത്ര അധ്യക്ഷ പ്രസംഗത്തിൽ പറഞ്ഞു. ജനറൽ സെക്രട്ടറി അഷറഫ് വാടാനപ്പള്ളി സ്വാഗതം ആശംസിച്ചു. ഇര്‍ഷാദ് അദ്നി നിലമ്പൂര്‍ ഇഫ്താര്‍ സന്ദേശവും ട്രഷറര്‍ വാസുദേവന്‍ തളിയറ ആശംസയും നല്‍കി.
നൂറുകണക്കിനാളുകള്‍ പങ്കെടുത്ത ഇഫ്താറിന് പ്രോഗ്രാം കമ്മിറ്റിയും ഒമാന്‍ തൃശ്ശൂര്‍ ഓര്‍ഗനൈസേഷന്‍ എക്സിക്യൂട്ടീവ് മെംബര്‍മാരും നേതൃത്വം നല്‍കി.
ഇഫ്താര്‍ സ്നേഹ സംഗമത്തില്‍ പങ്കെടുത്തവര്‍ക്കും സാങ്കേതിക കാരണങ്ങളാൽ നോമ്പുതുറയിൽ എത്തിച്ചേരാൻ കഴിയില്ല എന്ന് അറിയിച്ച എല്ലാവർക്കും പ്രോഗ്രാം കൺവീനർ ഹസ്സൻ കേച്ചേരി നന്ദി രേഖപ്പെടുത്തി.
STORY HIGHLIGHTS:Oman Thrissur Organization organized Iftar Sneha Sangam.
