അൽഖൂദ് :ഒമാൻ കൊടുങ്ങല്ലൂർ കൂട്ടായ്‌മയുടെ ഇഫ്താർ സംഗമം അല്‍ ഖൂദിലെ അല്‍ അസാല ഓഡിറ്റോറിയത്തില്‍ സംഘടിപ്പിച്ചു.
സ്വദേശികളടക്കം എഴുന്നൂറോളം ആളുകള്‍ പങ്കാളികളായി. പ്രസിഡന്റ് റിയാസ് അബ്ദുല്‍ മജീദ്, സെക്രട്ടറി ലബീഷ്, സുനില്‍ കാട്ടകത്ത്, ബിജു അയ്യാരില്‍, അൻസാർ കുഞ്ഞുമൊയ്‌ദീൻ, മുജീബ്, മജീദ്, വാസുദേവൻ തളിയാറ, കൃഷ്ണകുമാർ എന്നിവർ നേതൃത്വം നല്‍കി.
കഴിഞ്ഞ ഒരു വർഷത്തിലധികമായി ഒമാനില്‍ പ്രവാസജീവിതം നയിക്കുന്ന കൊടുങ്ങല്ലൂർ താലൂക്ക് നിവാസികളുടെ ക്ഷേമത്തിനും ഉന്നമനത്തിനുമായി ഇടപെടലുകള്‍ നടത്തുന്ന കൂട്ടായ്മയാണ് ഒമാൻ കൊടുങ്ങല്ലൂർ കൂട്ടായ്‌മ. ചികിത്സ സഹായം, ജോലി നഷ്ടമാകുന്നവർക്ക് യാത്രാടിക്കറ്റുകള്‍ നല്‍കിയും നിയമസഹായം വേണ്ടവർക്ക് അത്തരത്തിലും ആരോഗ്യസംബന്ധമായ ക്ലാസുകള്‍ സംഘടിപ്പിച്ചും അംഗങ്ങള്‍ക്ക് വിവിധ സേവനങ്ങളാണ് ചെയ്തുവരുന്നത്.
STORY HIGHLIGHTS:Iftar was organized by the Kodungallur community.
