മസ്കറ്റ്: ഒരോ തരത്തിലുള്ള തട്ടിപ്പുകൾ പോലീസ് കണ്ടെത്തി പരിഹരിക്കുമ്പോൾ പുതിയ തട്ടിപ്പ് രീതിയുമായി രംഗത്തെത്തിയിരിക്കുകയാണ് തട്ടിപ്പ് സംഘം. നിരവധി തവണ ജാഗ്രത നിർദേശങ്ങൾ നൽകിയിട്ടും വീണ്ടും ആളുകൾ ഇത്തരത്തിലുള്ള തട്ടിപ്പുകളിൽ ഉൾപ്പെടുന്നുണ്ട്. കഴിഞ്ഞ ദിവസം ഒരു പ്രമുഖ സ്വകാര്യ സ്ഥാപനത്തിലെ മലയാളിയായ ജീവനകാരന് നഷ്ടപ്പെട്ടത് 150 റിയാൽ ആണ്. ഐ.എം.ഒ കാൾ വിളിച്ചാണ് തട്ടിപ്പ് സംഘം എത്തിയത്.
കോൺ വിളിക്കുമ്പോൾ ഒമാനിലെ ഒരു പോലീസ് ഉദ്യോഗസ്ഥന്റെ ഫോട്ടോയാണ് വന്നത്. പൊലീസ് ഉദ്യോഗസ്ഥന്റെ ഫോട്ടോ പ്രൊഫൈലാക്കിയുള്ള അകൗണ്ടിൽ നിന്നും വിളിച്ചപ്പോൾ ഒരു തരത്തിലുള്ള സംശയവും തോന്നിയില്ല. വിളിച്ച വ്യക്തി എ.ടി.എം കാർഡ് നമ്പർ സൂത്രത്തിൽ കെെവശപ്പെടുത്തി. അങ്ങനെയാണ് തട്ടിപ്പ് നടത്തിയത്.
ഒമാൻ പോലീസിൽ നിന്നാണ് വിളിക്കുന്നത് എന്ന് പറഞ്ഞാണ് ഇയാൾ സംസാരിച്ചത്. അറബിയിലും ഹിന്ദിയിലും സംസാരിച്ചു. വിശ്വാസ്വതക്കായി ആളുടെ പേരും ലേബർ കാർഡ് നമ്പറും മറ്റും പറഞ്ഞു കൊടുത്തു. പോലീസിന് നിങ്ങളുടെ ബാങ്ക് അകൗണ്ട് അപ്ഡേറ്റ് ചെയ്യേണ്ടതുണ്ട്. അതിനാൽ ബാങ്ക് കാർഡിന്റെ നമ്പർ ആവശ്യമാണ്. ബാങ്ക് കാർഡിന്റെ നമ്പറുകൾ സൂത്രത്തിൽ വിളിച്ച വ്യക്തി വാങ്ങിച്ചെടുത്തു. ഇത്തരത്തിലുള്ള തട്ടിപ്പകൾക്കെതിരെ നേരച്ചെ തന്നെ മുന്നറിയിപ്പ് നൽകിയിരുന്നു. എന്നാൽ വിളിച്ചയാളുടെ സംസാര രീതിയും കാര്യങ്ങൾ തിരക്കുന്നതും എല്ലാം സംബന്ധിച്ചുള്ള വിശദീകരണം കാരണം ആയിരിക്കും പ്രവാസികൾ അകപ്പെട്ടുപോകുന്നത്.
STORY HIGHLIGHTS:150 Riyals lost to IMO call Malayali
