മസ്കറ്റ് :അയൺമാൻ ചാമ്പ്യൻഷിപ്പ്, മസ്കറ്റിൽ നാളെ ഗതാഗത നിയന്ത്രണം.
നീന്തൽ, സൈക്ലിംഗ്, ഓട്ടം എന്നിവ ഉൾപ്പെടുന്ന അയൺമാൻ വേൾഡ് ചാമ്പ്യൻഷിപ്പ് 2024 നടക്കുന്നതിനാൽ 2024 ഫെബ്രുവരി 17 ശനിയാഴ്ച മസ്കറ്റ് ഗവർണറേറ്റിൽ ഭാഗിക ഗതാഗതം ഏർപ്പെടുത്തിയതായി റോയൽ ഒമാൻ പോലീസ് (ROP) അറിയിച്ചു.
സൈക്ലിംഗ് മത്സര റൂട്ട്:
രാവിലെ 11 മണിക്ക് ഇൻ്റർകോണ്ടിനെൻ്റൽ മസ്കറ്റ് ഹോട്ടലിന് പിന്നിൽ നിന്ന് വിദേശകാര്യ മന്ത്രാലയ കൾച്ചർ റൗണ്ട് എബൗട്ടിലേക്ക് ആരംഭിക്കും,
ആരോഗ്യ മന്ത്രാലയത്തിൻ്റെ മുൻവശത്ത് നിന്ന് അൽ സറൂജ് സിഗ്നലിൽ എത്തി ഇടത്തേക്ക് തിരിഞ്ഞ് ദർസൈറ്റിലേക്ക്- ഖുറം റോഡ്, തുടർന്ന് അൽ ബുസ്താൻ, വാദി കബീർ വഴി മത്ര കോർണിഷിൽ നിന്ന് ദര്സൈത് സിഗ്നലിൽ എത്തും.
തുടർന്ന് റൂവിയിലെത്തി ഇടത്തേക്ക് തിരിഞ്ഞ് വാദി അദയ് വഴി, അമറാത്ത് പോലീസ് സ്റ്റേഷന് എതിർവശത്തുള്ള റൗണ്ട് എബൗട്ടിൽ നിന്ന് വാദി അദയ്, വത്തയ്യ വഴി ഖുറമിലെത്തി വലത്തേക്ക് തിരിഞ്ഞ് തുടങ്ങിയ പോയിൻ്റിൽ തന്നെ അവസാനിക്കും.
ഈ സമയങ്ങളിൽ തൊട്ടടുത്ത റോഡുകളുടെ ഇരുവശങ്ങളിലും വാഹനങ്ങൾ പാർക്ക് ചെയ്യുന്നത് നിരോധിച്ചിരിക്കുന്നതായി റോയൽ ഒമാൻ പോലിസ് അറിയിച്ചു
STORY HIGHLIGHTS:Traffic control in Muscat tomorrow.
