സമസ്ത പ്രസിഡണ്ട് സയ്യിദ് ജിഫ്രി മുത്തുക്കോയ തങ്ങള്‍ക്ക് ഒമാനില്‍ പ്രൗഢോജ്വല സ്വീകരണം നല്‍കി.
ഒമാൻ:ഹ്രസ്വ സന്ദർശനാർഥം ഒമാനില്‍ എത്തിയ സമസ്ത പ്രസിഡണ്ട് സയ്യിദ് ജിഫ്രി മുത്തുക്കോയ തങ്ങള്‍ക്ക് ഒമാനില്‍ പ്രൗഢോജ്വല സ്വീകരണം നല്‍കി.
മസ്കറ്റ് സുന്നി സെന്റർ മദ്രസയില്‍ വച്ച്‌ നടന്ന സ്വീകരണ പരിപാടി കെഎംസിസി പ്രസിഡണ്ട് റഈസ് അഹമ്മദ് ഉദ്ഘാടനം ചെയ്തു. എസ്.ഐ.സി സുന്നി സെന്റർ പ്രസിഡണ്ട് അൻവർ ഹാജി അധ്യക്ഷത വഹിച്ചു. സൂർ കേരള മുസ്ലിം ജമാഅത്ത് പ്രസിഡണ്ട് മുഹ്യുദ്ധീൻ മുസ്ലിയാർ പ്രാർത്ഥനക്ക് നേതൃത്വം നല്‍കി.
സമസ്ത നൂറാം വാർഷിക ഒമാൻ തല പ്രചാരണോദ്ഘാടനവും സമാപന പ്രാർത്ഥനയും തങ്ങള്‍ നിർവഹിച്ചു. റെയിഞ്ച് ജനറല്‍ സെക്രട്ടറി യുകെ ഇമ്ബിച്ചാലി മുസ്ലിയാർക്ക് അഷ്റഫ് കിണവക്കല്‍, ഷക്കീർ ഫൈസി ആശംസകള്‍ നേർന്നു. ബാംഗ്ലൂരില്‍ നടക്കുന്ന നൂറാം വാർഷിക ഉദ്ഘാടന സമ്മേളനത്തിലേക്ക് ഒമാൻ സമസ്ത ഘടകങ്ങളുടെ സംഭാവന അൻവർ ഹാജി ജിഫ്രി മുത്തുകോയ തങ്ങളെ ഏല്‍പ്പിച്ചു.
ഇന്ന് സൂറില്‍ വച്ച്‌ നടക്കുന്ന സൂർ കേരള മുസ്ലിം ജമാഅത്തിന്റെ നാല്പതാം വാർഷികവും,ഒമാൻ എസ്കെഎസ്‌എസ്‌എഫ് നടത്തുന്ന മനുഷ്യജാലികയും തങ്ങള്‍ ഉദ്ഘാടനം ചെയ്യും. റെയ്ഞ്ച് പ്രസിഡണ്ട് എൻ മുഹമ്മദലി ഫൈസി സ്വാഗതവും സുന്നിസെന്റർ സെക്രട്ടറി സാജുദ്ദീൻ ബഷീർ നന്ദിയും പറഞ്ഞു.
STORY HIGHLIGHTS:Samasta President Syed Geoffrey Muthukoya gave them a rousing welcome in Oman.
