ഖസബ് | മുസന്ദം ഗവർണറേറ്റി
ലെ ഖസബ് തുറമുഖം കഴിഞ്ഞ വർഷം വരവേറ്റത് 76,156 കപ്പൽ വിനോദ സഞ്ചാരികളെ.
52 ആഡംബര കപ്പലുകളിലാണ് ലോകത്തിന്റെ വിവിധ ഭാഗങ്ങളിൽ നിന്നുള്ള ഇത്രയും സന്ദർശകർ ഖസബ് സന്ദർശിച്ചു മടങ്ങിയതെന്ന് പൈതൃക, വിനോദ സഞ്ചാര മന്ത്രാലയം ടൂറിസം പ്രമോഷൻ മേധാവി മർയം ബിൻത് മുഹമ്മദ് അൽശിഹിയ പറഞ്ഞു. സഞ്ചാരി കളുടെ ഒഴുക്ക് വർധിച്ചതോടെ കൂടുതൽ സൗകര്യങ്ങളും സേവന കേന്ദ്രങ്ങളും ഒരു ക്കാൻ പദ്ധതിയിലാണ് അധികൃതർ.
തുറമുഖത്ത് എത്തുന്ന കപ്പൽ സഞ്ചാരികൾക്ക് പ്രദർശനം ഒരുക്കുന്നതിനും വിൽപന നടത്തുന്നതിനുമായി കുടുംബങ്ങൾക്ക് കൗണ്ടറുകൾ അനുവദിച്ചുവരുന്നുണ്ട്.
വീടുകളിൽ നിന്നും മറ്റും നിർമിക്കുന്ന ഉത്പന്നങ്ങൾ കൗണ്ടറുകളിൽ നിന്ന് സഞ്ചാരികൾക്ക് സ്വന്ത മാക്കാനാകും.
കൂടുതൽ സഞ്ചാരികളെ ആകർഷിക്കുന്നതിന് വിനോദ പരിപാടികളും മേളകളും ഉൾപ്പെടെ ഗവർണറേറ്റിന്റെ വിവിധ ഭാഗങ്ങളിൽ സംഘടിപ്പിക്കാൻ പദ്ധതിയിടുന്നതായും മർയം ബിൻത് മുഹമ്മദ് അൽ ശിഹിയ കൂട്ടിച്ചേർത്തു.
STORY HIGHLIGHTS:Khasab Port welcomed 76,156 ship passengers
