മസ്കത്ത് | എ എഫ് സി ഏഷ്യാകപ്പ് ഫുട്ബോൾ ടൂർണമെന്റിന് മുന്നോടിയായുള്ള സൗഹൃദ മത്സരത്തിൽ നാളെ ഒമാൻ യു എ ഇയെ നേരിടും. അബൂദബി അൽ നഹ്‌യാൻ സ്റ്റേഡിയത്തി ലാണ് ഇരു ടീമുകളും ഏറ്റുമുട്ടുക. വൈകുന്നേരം 7.15ന് മത്സരം ആരംഭിക്കുമെന്നും ഒമാൻ ഫുട്ബോൾ അസോസിയേഷൻ അറിയിച്ചു.
കഴിഞ്ഞ മത്സരത്തിൽ ഒമാൻ ചൈനയെ പരാജയപ്പെടുത്തിയിരുന്നു. അബൂദബി ബനിയാസ് സ്റ്റേഡിയത്തിൽ രണ്ട് ഗോളുകൾക്കായിരുന്നു ചെമ്പടയുടെ വിജയം. മത്സരത്തിലുടനീളം മികച്ച പ്രകടനം പുറത്തെടുത്താണ് ടീം വിജയം ഉറപ്പിച്ചത്. അർശദ് അൽ അലവി, മുഹ്സിൻ അൽ ഗസാനി എന്നിവർ ഒമാന് വേണ്ടി ഗോളുകൾ നേടി. പരിചയ സമ്പന്നരെയും പുതുമുഖങ്ങളെയും ചേർത്താണ് പരിശീലകൻ ബ്രാങ്കോ ഇവാങ്കോവിച്ച് ആദ്യ ഇലവനെ ഇറക്കിയത്.
യു എ ഇക്കെതിരെയും സമാന രൂപത്തിൽ ഒമാൻ സ്ക്വാഡിലെ താരങ്ങളെ ബ്രാങ്കോ ഇവാങ്കോവിച്ച് പരീക്ഷിച്ചേക്കും. പുതുമുഖങ്ങൾക്ക് അവസരം ലഭിക്കുകയും. മികച്ച പ്രകടനം പുറത്തെടുക്കുന്ന താരങ്ങൾക്ക് ഒമാൻ ടീമിനൊപ്പം ഏഷ്യാകപ്പിൽ അവസരംലഭിക്കും. മികച്ച മുന്നൊരുക്കമാണ് ഒമാൻ ടീം നടത്തിവരുന്നത്. കഠിന പരിശീലനത്തിലൂടെ ടീമിനെ ഒരുക്കുകയാണ് ബ്രാ ങ്കോ ഇവാങ്കോവിച്ച്.
ഏഷ്യാ കപ്പിനായി ജനുവരി രണ്ടാം വാരത്തിൽ ടീം ഖത്വറി ലേക്ക് തിരിക്കും. ജനുവരി 12 മുതലാണ് ഖത്വറിൽ ഏഷ്യാകപ്പിന് പന്തുരുളുക. ഫെബ്രുവരി 10ന് ആണ് ഫൈനൽ. ഗ്രൂപ്പ് ഘട്ടത്തിൽ സഊദിയും തായ്ലാന്റും കിർഗിസ്ഥാനുമാണ് ഒമാന്റെ എതിരാളികൾ. മികച്ച എതിരാളികൾ അണിനിരക്കുന്ന ഗ്രൂപ്പ് ഘട്ടം കടന്ന് മുന്നേറാൻ ടീമിന് കൂടുതൽ വിയർപ്പൊഴു ക്കേണ്ടിവരും.
STORY HIGHLIGHTS:International friendly: Oman vs UAE tomorrow
