ഒമാൻ:റമദാൻ ആഗതമായതോടെ ദിനചര്യകളിലെ മാറ്റങ്ങള്‍ ഡ്രൈവർമാരുടെ പെരുമാറ്റത്തെ ബാധിക്കുന്നുവെന്നും റോഡ് അപകടങ്ങള്‍ വർധിക്കുന്നതിലേക്ക് നയിക്കുന്നുവെന്നും റോയല്‍ ഒമാൻ പൊലിസ്.
ഈ കാലയളവില്‍ ഡ്രൈവിംഗ് പിഴവുകള്‍ അപകടങ്ങള്‍ക്കും പരുക്കുകള്‍ക്കും കാരണമാകുന്നതിനാല്‍, ഗതാഗത സുരക്ഷാ നടപടികള്‍ പാലിക്കേണ്ടതിന്റെ പ്രാധാന്യം റോയല്‍ ഒമാൻ പൊലിസ് (ആർഒപി) ഊന്നിപ്പറഞ്ഞു.
അമിത വേഗതയാണ് ഏറ്റവും ആശങ്കാജനകമായ പ്രശ്നങ്ങളിലൊന്ന്. മഗ്രിബ് പ്രാർത്ഥനക്ക് തൊട്ടുമുമ്ബ് പല ഡ്രൈവർമാരും ലക്ഷ്യസ്ഥാനങ്ങളില്‍ എത്താൻ തിരക്കുകൂട്ടുന്നു, ഇത് പലപ്പോഴും വേഗത പരിധി കവിയുന്നതടക്കമുള്ള ഗുരുതര നിയമലംഘനങ്ങള്‍ക്ക് കാരണമാകുന്നു. നോമ്ബ് കാലത്തെ ക്ഷീണത്താല്‍ ഡ്രൈവിങ്ങിലെ ശ്രദ്ധ കുറയുന്നതും അപകട സാധ്യത വർദ്ധിപ്പിക്കും, അതിനാല്‍ ക്ഷമയോടെ വാഹനമോടിക്കണമെന്നും വേഗത നിയന്ത്രണങ്ങള്‍ പാലിക്കണമെന്നും റോയല്‍ ഒമാൻ പൊലിസ് മുന്നറിയിപ്പ് നല്‍കുന്നു.
ഡ്രൈവർമാർ ഈ നിർദേശങ്ങള്‍ പാലിക്കണം
1) സുരക്ഷിതമായ അകലം പാലിക്കുക.
•2) പെട്ടെന്നുള്ള ലെയ്ൻ മാറ്റങ്ങള്‍ ഒഴിവാക്കുക.
3) കടന്നുപോകുന്നതിനുമുമ്ബ് ഹെവി വാഹന ഡ്രൈവർക്ക് അവ ദൃശ്യമാണെന്ന് ഉറപ്പാക്കുക.
റമദാൻ ഗതാഗത സുരക്ഷാ നിർദ്ദേശങ്ങള്‍, റമദാനില്‍ റോഡ് സുരക്ഷ ഉറപ്പാക്കാൻ, ROP ശുപാർശ ചെയ്യുന്നത്:
1) തിരക്ക് ഒഴിവാക്കുന്നതിനായി ഇഫ്താറിന് മുമ്ബുള്ള ലാസ്റ്റ് മിനിറ്റ് യാത്രകള്‍ ഒഴിവാക്കുക
2) ദീർഘനേരം ജോലി ചെയ്യുന്നവർ വാഹനമോടിക്കുന്നതിന് മുമ്ബ് മതിയായ ഉറക്കം ഉറപ്പുവരുത്തുക
3) ഗതാഗത നിയമങ്ങള്‍ പാലിക്കുക, അശ്രദ്ധമായ ഓവർടേക്കിങ്ങ് ഒഴിവാക്കുക.
4) ഗതാഗത തിരക്കുള്ള സമയങ്ങളില്‍ ക്ഷമയും സഹിഷ്ണുതയും പുലർത്തുക.
5) വാഹനമോടിക്കുമ്ബോള്‍ മൊബൈല്‍ ഫോണ്‍ ഉപയോഗം ഒഴിവാക്കുക.
6) കാല്‍നടയാത്രക്കാരും സൈക്ലിസ്റ്റുകളും സുരക്ഷക്കായി നിയുക്ത പാതകളും ക്രോസിംഗുകളും ഉപയോഗിക്കണം.
STORY HIGHLIGHTS:Royal Oman Police warns drivers
