ഖത്തർ:ഖത്തറില്‍ നടന്ന ജി.സി.സി ജോയിന്‍റ് ഡിഫൻസ് കൗണ്‍സിലിന്‍റെ 21-മത് സെഷന്‍റെ യോഗത്തില്‍ ഒമാൻ പങ്കെടുത്തു. പ്രതിരോധ കാര്യ ഉപ പ്രധാനമന്ത്രി സയ്യിദ് ശിഹാബ് ബിൻ താരിഖ് അല്‍ സഈദിന്‍റെ നേതൃത്വത്തിലാണ് ഒമാൻ പ്രതിനിധി സംഘം സംബന്ധിച്ചത്.
ജി.സി.സി ചീഫ് ഓഫ് സ്റ്റാഫിന്‍റെ സുപ്രീം മിലിട്ടറി കമ്മിറ്റി സമർപ്പിച്ച അജണ്ടയിലെ വിഷയങ്ങളില്‍ ചർച്ച നടന്നു. സംയുക്ത സൈനിക മേഖലകളിലെ നിരവധി നേട്ടങ്ങളും ഫലങ്ങളും ഇത് എടുത്തുകാണിച്ചു. കൂടാതെ, സൈനിക സഹകരണത്തിന്‍റെ മുന്നേറ്റം വർധിപ്പിക്കുന്നതിനായി പരസ്പര താല്‍പര്യര്യമുള്ള നിരവധി സൈനിക കാര്യങ്ങള്‍ യോഗം അവലോകനം ചെയ്തു.
സുല്‍ത്താന്‍റെ സായുധ സേനയുടെ (സാഫ്) ചീഫ് ഓഫ് സ്റ്റാഫ് വൈസ് അഡ്മിറല്‍ അബ്ദുല്ല ബിൻ ഖാമിസ് അല്‍ റൈസി, നിരവധി സാഫ് മുതിർന്ന ഉദ്യോഗസ്ഥരും പ്രതിരോധ കാര്യ ഉപപ്രധാനമന്ത്രിയെ അനുഗമിച്ചിരുന്നു.
STORY HIGHLIGHTS:Oman attends GCC Joint Defense Council meeting
