വാദികബീർ വെടിവെപ്പ്:ഒമാൻ ഗ്രാൻഡ് മുഫ്തി ശൈഖ് അഹമ്മദ് ബിൻ ഹമദ് അല്‍ ഖലീലി ദു:ഖം രേഖപ്പെടുത്തി.
ഒമാൻ:വാദികബീർ വെടിവെപ്പ് സംഭവത്തില്‍ ഒമാൻ ഗ്രാൻഡ് മുഫ്തി ശൈഖ് അഹമ്മദ് ബിൻ ഹമദ് അല്‍ ഖലീലി ദു:ഖം രേഖപ്പെടുത്തി.
ഇത് നഗ്നമായ ആക്രമണവും വിദ്വേഷം വളർത്തുന്നതുമാണെന്ന് അദ്ദേഹം പ്രസ്താവനയില്‍ പറഞ്ഞു. മതപരമായ ആചാരാനുഷ്ഠാനങ്ങളിലും വിശ്വാസത്തിലും മറ്റും വ്യത്യാസമുണ്ടെങ്കിലും അത് മറ്റുള്ളവർക്കെതിരെയുള്ള ആക്രമണത്തിലേക്ക് നയിക്കുന്നതാകരുത്.
ഇരകളായവരുടെ കുടുംബങ്ങളോട് അഗാധമായ അനുശോചനം അറിയിക്കുന്നു. പരിക്കേറ്റവർക്കും മുറിവേറ്റവർക്കും സൗഖ്യത്തിനായി ഞാൻ ദൈവത്തോട് പ്രാർഥിക്കുന്നു. സമയോചിതമായി ഇടപ്പെട്ട സുരക്ഷാ, സൈനിക ഏജൻസികളുടെയും പ്രവർത്തനത്തെ പ്രശംസിക്കുകയാണ്.
രാജ്യത്തിന്‍റെ നേട്ടങ്ങളും സമൂഹ സുരക്ഷയും സംരക്ഷിക്കുന്നതിന് അവരുമായി സഹകരിക്കാൻ എല്ലാവരും തയാറാകണമെന്നും അദ്ദേഹം പറഞ്ഞു.
STORY HIGHLIGHTS:Wadikabir shooting: Grand Mufti of Oman Sheikh Ahmed bin Hamad Al Khalili expressed grief.
