മത്ര:മത്ര കെഎംസിസികമ്മറ്റിയുടെ ആഭിമുഖ്യത്തിൽ സംഘടിപ്പിച്ച ഗ്രാന്റ് ഇഫ്താർ ബഹുജന പങ്കാളിത്തം കൊണ്ട് ശ്രദ്ധേയമായി.
മത്ര സുഖിൽ വെച്ച് നടന്ന ഇഫ്താറിൽ സ്വദേശികളും, വിദേശികളുമടക്കം ആയിരക്കണക്കിന് ആളുകളെ പങ്കെടുപ്പിച്ച് കൊണ്ട് പ്രവാസലോകത്ത് തന്നെ ശ്രദ്ധേയമായ നോമ്പ് തുറയാണ് മത്ര കെഎംസിസി സംഘടിപ്പിച്ചത്. സമൂഹത്തിന്റെ വിവിധ തുറകളിലുള്ള ആളുകൾ പങ്കെടുത്തു.
മസ്കത്ത് മുനിസിപ്പാലിറ്റിയുടെ അനുമതിയോട് കൂടിയാണ് സൂഖിൽ ഇഫ്താർ സംഗമം സംഘടിപ്പിച്ചത്.
പ്രധാന സൂഖിന്റെ നടപ്പാതകളിൽ ഇരുവശത്തും ആളുകൾ നിരന്നിരുന്നപ്പോൾ സൂഖ് സാക്ഷ്യം വഹിച്ചത് ഒരു വേറിട്ട ഒത്തുകൂടലിനായിരുന്നു. സ്ത്രീകൾക്കായി പ്രത്യേക സൗകര്യവും ഒരുക്കിയിരുന്നു.
സാദിഖ് ആടൂർ, ഷുഹൈബ് എടക്കാട്, റാഷിദ് പൊന്നാനി, നാസർ തൃശൂർ, റിയാസ് കൊടുവള്ളി, നസൂർ ചപ്പാരപ്പടവ്, നാസർ പയ്യന്നൂർ, ജസീൽ ആടൂർ, നിയാസ് കാപ്പാട്, കെ.വി. റഫീഖ്, അഫ്താബ് എടക്കാട്, അസീസ് ശിവപുരം തുട ങ്ങിയവരുടെ നേതൃത്വത്തിൽ നൂറോളം വളന്റിയർമാർ ഇഫ്താറിന് നേതൃത്വം നൽകി.
STORY HIGHLIGHTS:Matra KMCC organized Grant Iftar
