മസ്കറ്റ്: ജി.എഫ്.സി. അൽ അൻസാരി കപ്പ്
സീസൺ 5 ഇന്ന് വൈകീട്ട് 3:30 നു ബൗഷർ ഷാബിയയിലെ ജി.എഫ്.സി ഗ്രൗണ്ടിൽ വെച്ച് നടക്കും. ജി.എഫ്.സി.യും അൽ അൻസാരി ടൂർസ് & ട്രാവൽസും ചേർന്നാണു ടൂർണ്ണമന്റ് സംഘടിപ്പിക്കുന്നത്.
ഒമാനിലെ പ്രമുഖ 16 ടീമുകളെ കഴിഞ്ഞ ദിവസം അനന്തപുരി റസ്റ്റോറന്റിൽ വെച്ച് നടത്തിയ നറുക്കെടുപ്പിലൂടെ നാലു ഗ്രൂപ്പായി തിരിച്ചിരുന്നു. രണ്ടു ടീമുകൾ വീതം ഓരോ ഗ്രൂപ്പിൽ നിന്നും പോയിന്റ് അടിസ്ഥ‌ാനത്തിൽ ക്വാർട്ടർ ഫൈനലിൽ പ്രവേശിക്കും. കെ.എം.എഫ്.എയുടെ നിയന്ത്രണത്തിലാണു കളികൾ സംഘടിപ്പിക്കുക.
നാട്ടിൽ നിന്നും അഖിലേന്ത്യ താരങ്ങളും, ദുബായ് സൗദി ഉൾപ്പെടെയുള്ള രാജ്യങ്ങളിൽ നിന്നും സന്ദർശക വിസയിൽ കളിക്കാർ പല ടീമുകൾക്കായി ഇറങ്ങുന്നുണ്ട്. ഇതെല്ലാം നല്ലൊരു മൽസരങ്ങൾക്ക് വേദിയാവുകയും, കാണികൾക്ക് ആവേശകരമായിരിക്കും എന്നും സംഘാടകർ അറിയിച്ചു.
ഗ്രൂപ്പ് സ്റ്റേജ് മൽസരങ്ങൾക്ക് ശേഷം കുട്ടികളുടെ അക്കാദമി മൽസരങ്ങളും ഉണ്ടായിരിക്കും. കാണികൾക്ക് മികച്ച കളി കാണാനും ഒപ്പം മറ്റു വിനോദ പരിപാടികളും കൂടാതെ ടൂർണ്ണമന്റ് സ്പോൺസേഴ്സ് ഭാഗ്യ സമ്മാനങ്ങളും ഒരുക്കിയിട്ടുണ്ടെന്ന് സംഘാടകർ അറിയിച്ചു.
STORY HIGHLIGHTS:GFC Al Ansari Cup today at Bowsher
