ഒമാൻ:എറണാകുളം ജില്ലാ നിവാസികളുടെയും പല്ലാരിമംഗലം സി.എച്ച്‌. സെൻറർ ഗ്ലോബല്‍ (ഒമാൻ) അംഗങ്ങളുടെയും എറണാകുളം ജില്ലാ കെ.എം.സി.സി ഭാരവാഹികളുടെയും, കുടുംബ സംഗമം ബർക്കയില്‍ മോഡേണ്‍ റെസ്റ്റോറന്റില്‍ ശനിയാഴ്ച സംഘടിപ്പിച്ചു.
ഗള്‍ഫിലും നാട്ടിലുമായി കെ.എം.സി.സി., സി.എച്ച്‌. സെന്റർ, പല്ലാരിമംഗലം കൂട്ടായ്മ എന്നീ സംഘടനകള്‍ നടത്തുന്ന ജീവകാരുണ്യ പ്രവർത്തനങ്ങള്‍ പ്രത്യേകം പരാമർശിച്ചു.
സി എച്ച്‌ സെൻറർ ഗ്ലോബല്‍ കമ്മിറ്റി രക്ഷാധികാരി മുഹമ്മദ് മുറിയോടി അധ്യക്ഷത വഹിച്ചു. സൈതു കുഞ്ഞ് പുറയാർ ഉദ്ഘാടനം നിർവഹിച്ചു. ഫൈസല്‍ ആലുവ (KMCC ) സ്വാഗതം ആശംസിച്ചു. പല്ലാരിമംഗലം കൂട്ടായ്മ ഒമാൻ കോഡിനേറ്റർ മുഹമ്മദ് ഷാമു മുഖ്യപ്രഭാഷണം നടത്തി. സജി പുളിക്കുന്നെപടി നന്ദി പറഞ്ഞു. ഒമാനില്‍ ഹൃസ്വ സന്ദർശനത്തിന് എത്തിയ മുസ്ലിം ലീഗ് ജില്ല കമ്മറ്റി മെമ്ബറും എല്‍.എൻ.എസ്. ജില്ല പ്രസിഡന്റുമായ സൈതു കുഞ്ഞ് പുറയാറിനെ ചടങ്ങില്‍ സലാം കൈന്തിക്കര ഷാള്‍ അണിയിച്ച്‌ ആദരിച്ചു.
ബാബു മുഹമ്മദ് മുറിയോടിയില്‍, ജിതിൻ മുഹമ്മദ്, നദിർഷാ കടുപ്പാടം എന്നിവർ ആശംസകള്‍ നേർന്നു സംസാരിച്ചു
STORY HIGHLIGHTS:Organized a family reunion
