മസ്കറ്റ് ഡ്യൂട്ടി ഫ്രീ ‘ക്യാഷ് റാഫിൽ’ നറുക്കെടുപ്പിലെ വിജയിയെ പ്രഖ്യാപിച്ചു

മസ്കറ്റ് ഡ്യൂട്ടി ഫ്രീ ‘ക്യാഷ് റാഫിൽ’ നറുക്കെടുപ്പിലെ വിജയിയെ പ്രഖ്യാപിച്ചു. കോട്ടയം സ്വദേശി മനോജ് മാത്യു ജോൺ ആണ് നറുക്കെടുപ്പിൽ വിജയിയായത്. ഒരുലക്ഷം യു.എസ് ഡോളർ (83.12 ലക്ഷം രൂപ)യാണ് സമ്മാത്തുക. 2002 മുതൽ സാൻഡ് റോസ് ട്രേഡിങ്ങിൽ മാനേജരായി ജോലി ചെയ്തുവരികയായിരുന്നു. സുഹൃത്തിന്റെ മകന്റെ വിവാഹത്തിനായി മസ്കറ്റ് എയർപോർട്ട് വഴി യാത്ര ചെയ്യുമ്പോഴാണ് സമ്മാനർഹമായ ടിക്കറ്റ് വാങ്ങിയത്.

കഴിഞ്ഞ 21 വർഷമായി മസ്‌കത്ത് ഡ്യൂട്ടി ഫ്രീ റാഫിൽ നറുക്കെടുപ്പ് നടത്തിവരുന്നു. ഇത്തവണയും വിജയി പ്രവാസി മലയാളിയാണ്. മസ്കറ്റ് ഇന്റർനാഷണൽ എയർപോർട്ട് ലോഞ്ചിൽ സർക്കാർ പ്രതിനിധികളുടെയും മസ്‌കത്ത് ഡ്യൂട്ടി ഫ്രീ ഉദ്യോഗസ്ഥരുടെയും സാന്നിധ്യത്തിലാണ് വിജയികളെ തെരഞ്ഞെടുത്തത്.

STORY HIGHLIGHTS:Winner of Muscat Duty Free ‘Cash Raffle’ Draw Announced