ഒമാൻ:ഫൈവ്സ് ലോകകപ്പ് ഹോക്കി മത്സരങ്ങള്‍ക്ക് മസ്കത്തില്‍ ഇന്ന് തുടക്കമാകും. ജനുവരി 24 മുതല്‍ 31 വരെയുള്ള ദിവസങ്ങളില്‍ അമീറാത്ത് വിലായത്തിലെ പുതിയ ഒമാൻ ഹോക്കി സ്റ്റേഡിയത്തിലാണ് മത്സരങ്ങള്‍ നടക്കുന്നത്.
24 മുതല്‍ 27വരെ വനിതകള്‍ക്കും 28 മുതല്‍ 31വരെ പുരുഷൻമാർക്കുമാണ് മത്സരങ്ങള്‍. വനിതകളുടെ വിഭാഗത്തില്‍ പൂള്‍ സിയിലാണ് ഇന്ത്യ. അമേരിക്ക, പോളണ്ട്, നമീബിയ എന്നിവരാണ് ഗ്രൂപ്പിലുള്ള മറ്റു ടീമുകള്‍. ആതിഥേയരായ ഒമാൻ പൂള്‍ ഏയിലാണുള്ളത്. മലേഷ്യ, ഫിജി, നെതർലൻഡ് എന്നിവരാണ് ഗ്രൂപ്പിലുള്ള മറ്റ് രാജ്യങ്ങള്‍. പൂള്‍ ബിയില്‍ ആസ്ട്രേലിയ, ദക്ഷിണാഫ്രിക്ക, യുക്രെയ്ൻ, സാംബിയയും ഡിയില്‍ ന്യൂസിലൻഡ്, ഉറൂഗ്വായ്, പരാഗ്വേ, തായ്‌ലൻഡുമാണ് വരുന്നത്. ഉദ്ഘാടന ദിനത്തില്‍ ഇന്ത്യക്ക് രണ്ട് മത്സരങ്ങളാണുള്ളത്. പോളണ്ടും അമേരിക്കയുമാണ് എതിരാളികള്‍. ഒമാൻ മലേഷ്യയെും ഫിജിയേയും നേരിടും.
STORY HIGHLIGHTS:Fives World Cup starts today
