ബംഗ്ലാദേശ് : പ്രധാനമന്ത്രിയായി വീണ്ടും തെരഞ്ഞെടുക്കപ്പെട്ട പ്രധാനമന്ത്രി ശൈഖ ഹസീന വാസിദിന് സുല്‍ത്താൻ ഹൈതം ബിൻ താരിഖ് ആശംസകള്‍ നേര്‍ന്നു.
ബംഗ്ലാദേശിലെ ജനങ്ങളുടെ അഭിലാഷങ്ങള്‍ സാക്ഷാത്കരിക്കുന്നതിനുള്ള തന്റെ കടമകള്‍ നിറവേറ്റുന്നതില്‍ പ്രധാനമന്ത്രി വിജയിക്കട്ടെയെന്ന് കേബ്ള്‍ സന്ദേശത്തില്‍ സുല്‍ത്താൻ ആശംസിച്ചു.
ഞായറാഴ്ച നടന്ന പൊതുതെരഞ്ഞെടുപ്പില്‍ ഹസീനയുടെ അവാമി ലീഗ് മൂന്നില്‍ രണ്ടിലേറെ സീറ്റുകള്‍ നേടിയാണ് തുടര്‍ച്ചയായ നാലാം തവണ അധികാരത്തിലെത്തിയത്.
തെരഞ്ഞെടുപ്പില്‍ 40 ശതമാനം പേര്‍ മാത്രമാണ് വോട്ടു ചെയ്തത്. 300 അംഗ പാര്‍ലമെന്റില്‍ അവാമി ലീഗ് 222 സീറ്റുകളില്‍ വിജയിച്ചു. പ്രധാന പ്രതിപക്ഷമായ ബംഗ്ലാദേശ് നാഷനലിസ്റ്റ് പാര്‍ട്ടി (ബി.എൻ.പി) വോട്ടെടുപ്പ് ബഹിഷ്‍കരിച്ചിരുന്നു. 63 സീറ്റുകളില്‍ സ്വതന്ത്ര സ്ഥാനാര്‍ഥികളാണ് വിജയിച്ചത്.
STORY HIGHLIGHTS:Sultan Haitham bin Tariq congratulated Prime Minister Sheikha Hasina Wasid who was re-elected as Prime Minister.
