ഒമാനിലെ ഈ വര്‍ഷത്തെ പൊതു അവധി ദിനങ്ങള്‍ പ്രഖ്യാപിച്ചു

ഒമാൻ:2024 ലെ പൊതു അവധി ദിനങ്ങള്‍ പ്രഖ്യാപിച്ച്‌ ഒമാൻ ഭരണകൂടം. പൊതു – സ്വകാര്യ മേഖല ജീവനക്കാര്‍ക്ക് ബാധകമായ അവധി ദിനങ്ങളാണ് പ്രഖ്യാപിച്ചത്.

ഹിജ്‌റ കലണ്ടര്‍ അനുസരിച്ചാണ് പല അവധികളും വരുന്നത് എന്നതിനാല്‍ സാധ്യത ദിനങ്ങളാണ് ഈ അവധികള്‍ക്ക് നല്‍കിയിട്ടുള്ളത്. അതേസമയം പൊതു അവധി വരുന്നത് വാരാന്ത്യത്തിലാണെങ്കില്‍ അതിന് പകരമായി ഒരു അധിക അവധികൂടി നല്‍കും.

ഈ വര്‍ഷത്തെ ആദ്യ അവധി വരുന്നത് സുല്‍ത്താൻ ഹൈതം ബിൻ താരിഖിന്‍റെ സ്ഥാനാരോഹണദിനമായ ജനുവരി 11ന് ആയിരിക്കും. അന്ന് വ്യാഴാഴ്ച ആയതിനാല്‍ വാരാന്ത്യ ദിനങ്ങള്‍ ഉള്‍പ്പെടെ തുടര്‍ച്ചായി മൂന്നു ദിവസം അവധി ലഭിക്കും.

പ്രധാന അവധി ദിനങ്ങള്‍

ജനുവരി 11 : സുല്‍ത്താന്‍റെ സ്ഥാനാരോഹണ ദിനം
റജബ് 27 (മാര്‍ച്ച്‌ നാലിന് സാധ്യത) : ഇസ്റാഅ് – മിഅ്റാജ്
ശവ്വാല്‍ 1 (ഏപ്രില്‍ ഒമ്ബതിന് സാധ്യത) : ഈദുല്‍ ഫിത്ര്‍
ദുല്‍ ഹിജ്ജ 10 മുതല്‍ 12 വരെ (ആഗസ്റ്റ് ആറ് മുതല്‍ ഒമ്ബതുവരെ സാധ്യത) : ഈദുല്‍അദ്ഹ
മുഹറം 1 (ജൂലൈ എട്ടിന് സാധ്യത) : ഇസ്ലാമിക പുതു വര്‍ഷം
റബീഉല്‍ അവ്വല്‍ 12 (ഒക്ടോബര്‍ 16ന് സാധ്യത) : നബിദിനം
നവംബര്‍ 18, 19 : ദേശീയദിനാഘോഷം

STORY HIGHLIGHTS:This year’s public holidays in Oman have been announced