അള്‍സര്‍ പ്രശ്‌നങ്ങള്‍ അലട്ടുന്നുണ്ടോ ? കഴിക്കാന്‍ പാടില്ലാത്തവയും കഴിക്കാവുന്നതും
കൃത്യസമയത്ത് ആഹാരം കഴിച്ചില്ലെങ്കില്‍ വയറ്റില്‍ അള്‍സര്‍ പോലുള്ള പ്രശ്‌നങ്ങള്‍ ഉണ്ടാകാറുണ്ട്. അമിതമായി പുകവലിക്കുന്നവരില്‍ വയറ്റില്‍ അള്‍സര്‍ വരാന്‍ സാധ്യത കൂടുതലാണ്.
അതുപോലെ നിങ്ങള്‍ക്ക് അള്‍സര്‍ ഉണ്ടെങ്കില്‍ അത് കുറയാനും ബുദ്ധിമുട്ടായിരിക്കും. പുകവലി പോലെ തന്നെ അമിതമായി മദ്യപിക്കുന്നവരില്‍ അള്‍സര്‍ സാധ്യത വളരെ കൂടുതലാണ്. സ്ട്രെസ്സ് അമിതമായിട്ടുള്ളവരില്‍ അള്‍സര്‍ സാധ്യത കൂടുന്നു. അമിതമായി എരിവുള്ള ആഹാരങ്ങള്‍ കഴിക്കുന്നത്, അസിഡിറ്റി വര്‍ദ്ധിപ്പിക്കാനും ഇത് അള്‍സര്‍ വര്‍ദ്ധിപ്പിക്കാനും കാരണമാകുന്നു. ചില അസുഖങ്ങള്‍ ഉള്ളവരിലും ചില മരുന്നുകള്‍ കഴിക്കുന്നവരിലും അള്‍സര്‍ സാധ്യത കൂടുതലാണ്.
കഴിക്കാന്‍ പാടില്ലാത്തവ:
അള്‍സര്‍ ഉള്ളവര്‍ കഴിക്കാന്‍ പാടില്ലാത്ത കുറച്ച്‌ ആഹാരങ്ങള്‍ ഉണ്ട്. അതില്‍ തന്നെ ഏറ്റവും പ്രധാനപ്പെട്ടത് എരിവുള്ള ആഹാരങ്ങള്‍ തന്നെയാണ്. മുളകിന്റെ ഉപയോഗം കുറയ്ക്കുന്നതാണ് ഇവര്‍ക്ക് നല്ലത്. അമിതമായി എരിവ് വയറ്റില്‍ എത്തുന്നത് മുറിവ് ഉണങ്ങാതെ നില്‍ക്കുന്നതിന് കാരണമാണ്. അതിനാല്‍, എരിവുള്ള ആഹാരങ്ങള്‍ കഴിക്കുന്നത് ഒഴിവാക്കുക.
അതുപോലെ അസിഡിക് ആയിട്ടുള്ള ആഹാരങ്ങള്‍ കഴിക്കാതിരിക്കാന്‍ ശ്രദ്ധിക്കുക. പ്രത്യേകിച്ച്‌ സിട്രിക് പഴങ്ങളും പച്ചക്കറികളും കഴിക്കാതിരിക്കാം. ചായ, കാപ്പി എന്നിവയുടെ ഉപയോഗം നിര്‍ത്തേണ്ടത് അനിവാര്യമാണ്. മദ്യം, പുകവലി എന്നിവ ഒഴിവാക്കുക. നല്ല പോലെ വറുത്തതും പൊരിച്ചതുമായ ആഹാരങ്ങള്‍ കഴിക്കാതിരിക്കാന്‍ ശ്രദ്ധിക്കുക. കാര്‍ബണേറ്റഡ് പാനീയങ്ങള്‍ കുടിക്കാതിരിക്കാം.
ചായ, കാപ്പി എന്നിവയുടെ ഉപയോഗം നിര്‍ത്തേണ്ടത് അനിവാര്യമാണ്. മദ്യം, പുകവലി എന്നിവ ഒഴിവാക്കുക. നല്ല പോലെ വറുത്തതും പൊരിച്ചതുമായ ആഹാരങ്ങള്‍ കഴിക്കാതിരിക്കാന്‍ ശ്രദ്ധിക്കുക. കാര്‍ബണേറ്റഡ് പാനീയങ്ങള്‍ കുടിക്കാതിരിക്കാം. പ്രത്യേകിച്ച്‌, സോഡ, കോള എന്നിവ പോലെയുള്ള ഡ്രിങ്ക്‌സ് കഴിക്കരുത്.
അതുപോലെ, കുരുമുളകിന്റെ ഉപയോഗവും മുളക് പൊടി, പച്ചമുളക് എന്നിവയെല്ലാം അമിതമായി ആഹാരത്തില്‍ ചേര്‍ക്കുന്നത് കുറയ്ക്കുക. ഇത്രയും കാര്യങ്ങള്‍ ശ്രദ്ധിച്ചാല്‍ അള്‍സര്‍ കുറയ്ക്കാന്‍ സാധിക്കുന്നതാണ്. കൂടാതെ, കൃത്യമായി ഡോക്ടറെ കണ്ട്, മരുന്നും കഴിക്കുന്നത് അസുഖം കുറയ്ക്കാന്‍ സഹായിക്കും.
അള്‍സര്‍ വന്നാല്‍ കഴിക്കേണ്ടത്:
അള്‍സര്‍ വന്നാല്‍ അതിന് ശമനം ലഭിക്കാനും വയറിന്റെ ആരോഗ്യം വീണ്ടെടുക്കുന്നതിനും കഴിക്കേണ്ട ചില ആഹാരങ്ങളുണ്ട്.
അവയില്‍ തന്നെ നല്ലപോലെ പഴം പച്ചക്കറികള്‍ കഴിക്കുന്നത് നല്ലതാണ്. ഇത് ശരീരത്തിലേയ്ക്ക് നാരുകള്‍ എത്തിക്കുന്നു. ഇത് വയറ്റിലെ അസിഡിറ്റി ലെവല്‍ കുറയ്ക്കാന്‍ സഹായിക്കും. അതുപോലെ ശരീരത്തിലേയ്ക്ക് വേണ്ട പോഷകങ്ങള്‍ എത്താനും ഇത് സഹായിക്കുന്നു. അതിനാല്‍, ആപ്പിള്‍, പിയേഴ്സ്, അതുപോലെ വേവിച്ച പച്ചക്കറികള്‍, പ്രത്യേകിച്ച്‌ കോളിഫ്ലര്‍, ചീര, ക്യാരറ്റ് എന്നിവയെല്ലാം കഴിക്കുന്നത് നല്ലതാണ്.
പ്രോബയോട്ടിക് – പ്രോബയോട്ടിക് അടങ്ങിയിരിക്കുന്ന ആഹാരങ്ങള്‍ കഴിക്കുന്നത് നല്ലതാണ്. തൈര്, മോര് എന്നിവ കഴിക്കുന്നത് വളരെ നല്ലതാണ്. ഇത് വയര്‍ തണുപ്പിക്കാന്‍ സഹായിക്കും. അതുപോലെ തന്നെ വയറ്റില്‍ നിന്നും അസിഡിറ്റി കുറയ്ക്കാനും ദഹനം കൃത്യമായി നടക്കാനും ഇത് സഹായിക്കും. മോര് തയ്യാറാക്കുമ്ബോള്‍ അതില്‍ കറിവേപ്പില, അതുപോലെ മല്ലയില, കുറച്ച്‌ ജീരകം, ഉപ്പ്, ഇഞ്ചി എന്നിവ ചേര്‍ത്ത് കുടിക്കുന്നത് നല്ലതാണ്. അതുപോലെ, തൈര് ഉപയോഗിച്ച്‌ ലസ്സി തയ്യാറാക്കി കഴിക്കുന്നതും നല്ലതാണ്.
ഹെര്‍ബ്സ്, തേന്‍ – തേന്‍ കഴിക്കുന്നത് നല്ലതാണ്. തേനില്‍ ആന്റിബാക്ടീരിയല്‍ ഘടകങ്ങള്‍ അടങ്ങിയിരിക്കുന്നതിനാല്‍ തന്നെ ഇത് അള്‍സര്‍ കുറയ്ക്കാന്‍ സഹായിക്കുന്നുണ്ട്. തേന്‍ നിങ്ങള്‍ക്ക് രാവിലെ വെറും വയറ്റില്‍ കഴിക്കാവുന്നതാണ്. അതുപോലെ തേനില്‍ കുറച്ച്‌ മഞ്ഞളും ചേര്‍ത്ത് കഴിക്കുന്നത് നല്ലതാണ്. ഇത് വേഗത്തില്‍ തന്നെ വയറിന് ആശ്വാസം നല്‍കാന്‍ സഹായിക്കും. തേന്‍ പോലെ തന്നെ നല്ല ഹെര്‍ബല്‍ ടീ കുടിക്കുന്നത് നല്ലതാണ്. ഇതിനായി ജിഞ്ചര്‍ ടീ എന്നിവ കുടിക്കാവുന്നതാണ്. ഇത് കുടിക്കുന്നത് വയറ്റില്‍ അള്‍സര്‍ വന്നാല്‍ ഉണ്ടാകുന്ന ബുദ്ധിമുട്ടുകള്‍ കുറയ്ക്കാന്‍ സഹായിക്കും. അതുപോലെ, നല്ലപോലെ ആന്റിഓക്സിഡന്റ്സ് അടങ്ങിയ ആഹാരങ്ങള്‍ കഴിക്കാവുന്നതാണ്. അതില്‍ തന്നെ, ബ്ലൂബെറി, ചീര എന്നിവ വയറ്റിലെ വീക്കം കുറയ്ക്കാന്‍ സഹായിക്കുന്നുണ്ട്.
പ്രോട്ടീന്‍ – നമ്മളുടെ ശരീരത്തിലേയ്ക്ക് നാരുകള്‍ മാത്രം എത്തിയാല്‍ പോര. കൃത്യമായ അളവില്‍ പ്രോട്ടീനും അത്തേണ്ടത് അനിവാര്യമാണ്. പ്രോട്ടീന്‍ എത്താന്‍ നമ്മള്‍ മീന്‍, അതുപോലെ, പെട്ടെന്ന് ദഹിക്കുന്ന ഇറച്ചി വിഭവങ്ങള്‍ കഴിക്കാവുന്നതാണ്. ഇത്തരത്തില്‍ വേഗത്തില്‍ ദഹിക്കുന്ന പ്രോട്ടീന്‍ അടങ്ങിയ ഇറച്ചി വിഭവങ്ങള്‍ കഴിക്കാവുന്നതാണ്. അതുപോലെ തന്നെ ഓട്സ്, തവിടുള്ള അരി, ഗോതമ്ബ് എന്നിവയും ആഹാരത്തില്‍ ചേര്‍ക്കുന്നത് നല്ലതാണ്. ഇതും അള്‍സര്‍ രോഗത്തെ കുറയ്ക്കാന്‍ സഹായിക്കും.
STORY HIGHLIGHTS:Suffering from ulcer problems?
