എസ്.കെ.എസ്.എസ്.എഫ് സംസ്ഥാന സെക്രട്ടറിക്ക് അൽ ഖുവൈറിൽ ഊഷ്മള സ്വീകരണം
മസ്കറ്റ്: എസ്.കെ.എസ്.എസ്.എഫ് ന്റെ 35ാം വാർഷിക വിളംബരവുമായി ഒമാനിൽ എത്തിയ സംസ്ഥാന ജനറൽ സെക്രട്ടറി ഉസ്താദ്
റഷീദ് ഫൈസി വെള്ളായിക്കോടിനു
എസ്.കെ.എസ്.എസ്.എഫ് അൽഖുവൈർ ഏരിയ കമ്മിറ്റിയുടെ നേതൃത്വത്തിൽ സ്വീകരണം നൽകി.
ഏരിയ പ്രസിഡന്റ് ഉമർ വാഫി നിലംബുരിന്റെ അദ്ധ്യക്ഷതയിൽ അൽഖുവൈർ അബുഖാസിം മസ്ജിദ് ഹാളിൽ നടന്ന പൊതു പരിപാടി എസ്.ഐ.സി ഒമാൻ പ്രസിഡന്റ് അൻവർ ഹാജി ഉദ്‌ഘാടനം ചെയ്തു.
പ്രവാസത്തിലെ
തിരക്കേറിയ ജീവിത സാഹചര്യങ്ങളിൽ അവശരും, ആലംബ ഹീനരുമായ മനുഷ്യരുടെ കണ്ണീരൊപ്പാൻ സമയം കണ്ടെത്തണമെന്ന് മുഖ്യ പ്രഭാഷണത്തിൽ ഉസ്താദ് റഷീദ് ഫൈസി
പറഞ്ഞു.
മസ്‌ക്കറ്റ് സുന്നി സെന്റർ ട്രെഷറർ അബ്ബാസ് ഫൈസി കാവനൂർ, അൽ ഖുവൈർ സുന്നി സെന്റർ നേതാക്കന്മാരായ ശംസുദ്ധീൻ സാഹിബ് ഉപ്പള, അബ്ദുൽ വാഹിദ് മാള, ഹനീഫ പുത്തൂർ, ബൗഷർ സുന്നി സെന്റർ പ്രതിനിധികളായി അബ്ദുൽ ജലീൽ ഹാജി, അബ്ദുൽ ഹാദി വാഫി എന്നിവരും, എസ്.കെ.എസ്.എസ്.എഫ് ഒമാൻ ഓർഗനൈസിങ്ങ് സെക്രട്ടറി ഉസ്താദ് കെ.എൻ.എസ് മൗലവി, മജീദ് മൗലവി, ഷരീഫ് സാഹിബ് മൊബൈല, ആരിഫ് കൊട്ടാൽ എന്നിവർ ആശംസകൾ അർപ്പിക്കാൻ എത്തിയിരുന്നു.
ഏരിയാ സെക്രെട്ടറി ഷഹീർ ബക്കളം സ്വാഗതവും ട്രെഷറർ കബീർ കാലൊടി നന്ദിയും പ്രകാശിപ്പിച്ചു .
STORY HIGHLIGHTS:SKSSF State Secretary received a warm welcome in Al Khuwair
